Газрын харилцаа, барилга, хот байгуулалтын газрын лого зохион бүтээх шагналын сантай уралдааныг зарлаж байна.

Газрын харилцаа, барилга, хот байгуулалтын газрын лого зохион бүтээх шагналын сантай уралдааныг зарлаж байна.

1. ЗОРИЛГО

Газрын харилцаа, барилга, хот байгуулалтын газрын цахим системд байршуулах лого шалгаруулах.

2. ХАМРАХ ХҮРЭЭ:

Аймгийн хэмжээнд /Хувь хүн, алба хаагч, оюутан залуучууд бүх насныхан/ оролцох боломжтой

БҮТЭЭЛД ТАВИГДАХ ШААРДЛАГА:

2.1. Бүтээлийн агуулга уралдаанд оролцож буй бүтээл нь утга агуулгын хувьд дараах шаардлагыг хангасан байна. Үүнд:

- Лого нь Сүхбаатар аймгийн Газрын харилцаа, барилга, хот байгуулалтын газрын онцлогийг тусгасан байна;

- Аймгийн хэмжээний хотын дүр төрхийг төлөөлөх дүрс, зурмалтай байна;

- Логоны агуулга, зураглал нь аймгийн эерэг имижийг бүрдүүлсэн байна;

- Логоны агуулгад хөгжлийн чиг хандлага, иргэдийн хүсэл тэмүүллийг илэрхийлсэн дүрс, билэгдэлтэй байж болно;

- Аймгийн дахин давтагдашгүй онцлог, түүх, байгаль, монгол үндэсний уламжлалт хэв шинж, ахуй амьдралыг тусгасан байдлыг зөвшөөрнө;

- Хүний анхаарлыг эергээр шууд татах, өвөрмөц дизайн загвартай байж болно.

2.2. Бүтээлийн зурмалд тавигдах шаардлага:

- Олон нийтэд ойлгомжтой, утга агуулга нь танигдахуйц байх;

- Логог том жижиг олон хэлбэрээр ашиглах учир хэт нарийн зураас болон хэт жижиг дүрс ашиглахгүй байх;

- Өнгөний хослолыг маш сайн гаргасан байх;

- Зөвхөн компьютерт тусгай программ ашиглаж зурсан байж болно;

- Логог агуулга концепци, утга билэгдэл, өнгөний код, хэрхэн хийх талаар дэлгэрэнгүй танилцуулга 1-ээс доошгүй хуудас байна.

2.3. Бүтээлийн хэмжээ:

- Уралдаанд ирүүлэх бүтээлүүдийг А4 форматтай бичгийн цаас болон зургийн зориулалтын цаасан дээр өнгөтөөр хэвлэмэл болон файл хэлбэрээр ирүүлнэ.

- Бүтээлийг Биеээр Газрын харилцаа, барилга, хот байгуулалтын газарт авч ирж өгөх буюу доорх мэйл хаягруу илгээж болно.

2.4. Бүтээлийн бусад шаардлага

- Уралдаанд нэг оролцогч хамгийн дээд тал нь 3 бүтээл ирүүлэх боломжтой.

- Бүтээл тус бүрд утга билэгдэл, зураглалын тайлбар, өнгөний код бүхий танилцуулгыг хавсаргаж ирүүлэх

- Оролцогч бүтээлд тус бүрд өөрийн нэр, холбоо барих утас, хаягийг тодорхой мэдээлсэн танилцуулга материалыг хавсаргасан байна.

- Шагналт байранд шалгарсан бүтээл зохион байгуулагч талд үлдэнэ.

4.ШАЛГАРУУЛАЛТ

Бүтээл хүлээж авах хаяг: Сүхбаатар аймаг, Баруун-Урт сум, 7-р баг, Нарлаг хотхон

Цахим хаяг: Sukhbaatar@gazar.gov.mn

Лавлах утасны дугаар: 7051-2605, 99055133, 99306257

Бүтээл хүлээж авах эцсийн хугацаа: 2024 оны 03 дүгээр сарын 20-ны өдрөөс 2024

оны 05 дугаар сарын 31-ны өдрийн 15:00 цаг хүртэл.

Шалгарсан нэг бүтээл 500 000 төгрөгийн мөнгөн шагналтай.